വീട് വൈദ്യുതീകരണം അഥവാ വീട് വയറിങ്. ഭാഗം -1

House Electrification(House Wiring)

വീട് വൈദ്യുതീകരണം അഥവാ വീട് വയറിങ്. 

ഭാഗം -1

നമസ്കാരം സുഹൃത്തുക്കളെ, ഞാൻ ഇതിനു മുൻപ് ഇലെക്ട്രിക്കൽ സംബന്ധിച്ച് കുറച്ചു പോസ്റ്റ്‌കൾ ഇട്ടിരുന്നു, ഒരുപാട് ആളുകൾ സംശയങ്ങളും, ആശയങ്ങളും പങ്കു വക്കുകയും അതു എന്റെ പരിധിയിൽ നിന്നു കൊണ്ട് തീർത്തു കൊടുക്കാനും ശ്രമിച്ചിട്ടുണ്ട്. നിങ്ങളുടെ അഭിപ്രായം രേഖപ്പെടുത്തുക. പോസ്റ്റുകൾ ഫോളോ ചെയ്യുക.കമെന്റ് ചെയ്യുക. സപ്പോർട്ട് ചെയ്യുക.

House Wiring (വീട് വയറിങ്) :

വീടിന്റെ നിർമ്മാണ ത്തിൽ വീടിനോളം പ്രാധാന്യം ഉള്ളതാണ് വീടിന്റെ വൈദ്യു‌തീകരണം അഥവാ വയറിങ് ജോലികൾ.വീടിന്റെ ആയുസ്സിനോളം നിലനിൽക്കാൻ പാകത്തിൽ അപകടങ്ങൾ തെറ്റ് കുറ്റങ്ങൾ ഒഴിവാക്കിയും നമ്മുടെ വീട്ടിലെ സൗകര്യം അനുസരിച്ചു എല്ലാ ഉപകരണങ്ങൾ, നമ്മുടെ ആവിശ്യങ്ങൾ എല്ലാം മനസ്സിലാക്കി അതനുസരിച്ചു വ്യക്തമായ ഡ്രോയിങ് തയ്യാർ ചെയ്തു എസ്റ്റിമേറ്റ് ഉണ്ടാക്കി വേണം വീടിന്റെ വയറിങ് ജോലികൾ തുടങ്ങാൻ. അതു ഭാവിയിൽ ഉണ്ടാകാൻ ഇടയുള്ള പ്രശ്നങ്ങൾ ഒഴിവാക്കാനും പരിപാലന ജോലികൾ കുറക്കാനും ഉപകരിക്കും.വീടിന്റെ റൂഫ് കോൺക്രീറ്റ് ചെയ്യുന്നതിന് മുന്നേ തന്നെ വയറിങ് മുന്നൊരുക്കം അഥവാ ഡ്രോയിങ്, എസ്റ്റിമേറ്റ് എന്നിവ തുടങ്ങണം അതിനു സാധിക്കാതെ വന്നവർ ചുരുങ്ങിയത് പൈപ്പ് ഭിത്തിയിൽ ഉറപ്പിക്കുന്നതിന് മുന്നേ എങ്കിലും മേൽ പറഞ്ഞവ ചെയ്യേണ്ടതാണ്. നമുക്ക് കാര്യത്തിലേക്ക് കടക്കാം....

വീടിന്റെ വൈധ്യുതീകരണ ജോലികളെ പൊതുവെ പറയുന്ന പേരാണ് House Wiring (വീട് വയറിങ്) ഈ വർക്കിനെ പൊതുവെ രണ്ടായി തരം തിരിച്ചിരിക്കുന്നു 

1) Open wiring. 

2)Concealed Wiring.

1)Open Wiring : 

ഏകദേശം നമ്മുടെ നാട്ടിൽ വൈധ്യുതി പൊതുവായി എത്തി തുടങ്ങിയ കാലഘട്ടത്തിൽ മുതൽ പ്രചാരത്തിൽ ഉള്ള ഒരു വയറിങ് രീതി ആണ് ഓപ്പൺ വയറിങ്. ഈ രീതിയിൽ വയറിങ് ചെയ്യുമ്പോൾ പൈപ്പ് ലൈൻ, സ്വിച്ച് ബോർഡ്‌ കൾ മുതലായവ ഭിത്തിയുടെ പുറം ചുവരിൽ നമ്മൾ കാണുന്ന രീതിയിൽ ആണ് ഉറപ്പിക്കിക്കുക.ഈ രീതിയിൽ വയറിങ് ചെയ്യുമ്പോൾ എളുപ്പത്തിൽ ജോലികൾ പൂർത്തിയാക്കാൻ സാധിക്കും കൂടാതെ വയറിങ് പൈപ്പ് ചൂടാകുകയോ അല്ലെങ്കിൽ തീപിടിക്കുകയോ ചെയ്യുന്ന സമയം വളരെ പെട്ടെന്ന് കണ്ടു പിടിക്കാനും അതു പോലെ പൈപ്പ് ഇൽ ഉണ്ടാകുന്ന തീ മറ്റു സ്ഥലങ്ങളിൽ എളുപ്പത്തിൽ പടർന്നു പിടിക്കുകയും ചെയ്യും. ഇപ്പോൾ ഇത്തരം വയറിങ് വീടിന്റെ വയറിങ് രീതിയിൽ 90%ആളുകളും ചെയ്യാറില്ല കാണാനുള്ള ഭംഗി കുറവാണ് ഇതിന്റെ പ്രധാന ഘടകം. ഓപ്പൺ വയറിങ് ചെയ്യാൻ ആയി പൈപ്പ് മാത്രം അല്ല ഇപ്പോൾ ഉപയോഗിക്കുന്നത് case and Cap എന്ന രീതിയും ഉപയോഗിക്കുന്നു. ഇപ്പോൾ ഈ രീതിയിൽ കൂടുതൽ ചെയ്യുന്നത് കമ്യൂണിക്കേഷൻ വയറിങ് ആണ് അതായത് ടെലിഫോൺ, CCTV, നെറ്റ് വർക്ക്‌ കേബിൾ എന്നിവ. അതും കൂടുതലും റെന്റ് കൊടുക്കുന്ന ബിൽഡിംഗ്‌ ആണ് ഈ രീതിയിൽ ചെയ്യുന്നത്. 

2)Concealed Wiring 

പൊതുവെ ഇപ്പോൾ വീടിന്റെ വയറിങ് ജോലിക്ക് ആയി ആളുകൾ തിരഞ്ഞെടുക്കുന്ന രീതി ആണ് concealed wiring, ഈ രീതിയിൽ വയറിങ് ചെയ്യുമ്പോൾ വയറിങ് പൈപ്പ്, സ്വിച്ച് ബോർഡ്‌ എന്നിവ ഭിത്തിയുടെ ഉള്ളിൽ വരുകയും സ്വിച്ചിന്റെ കവർ പ്ലേറ്റ് മാത്രം വെളിയിൽ കാണുകയും ചെയ്യും.ഈ രീതിയിൽ വയറിങ് ചെയ്യുമ്പോൾ വീടിന്റെ ഭിത്തിയുടെ ഭംഗി കൂടുന്നതിനാൽ ഭൂരിപക്ഷം ആളുകളും ഈ രീതി ആണ് പിന്തുടരുന്നത്. ആയതിനാൽ നമുക്ക് concelaled type വയറിങ് രീതിയെ കുറിച്ച് വിശദമായി പരിചയപ്പെടാം. 

ഈ രീതിയിൽ വയറിങ് ചെയ്യുന്നതിനെ നമുക്ക് 9 ഭാഗങ്ങൾ ആയി തിരിക്കാം. 

1) Electrical drawing നിർമ്മാണം (ഇലെക്ട്രിക്കൽ പ്ലാൻ.) ലോഡ്എ ഷെഡ്യൂൾ,എ

സ്റ്റിമേറ്റ്. 

2) Material Selection (ഉപയോഗിക്കാൻ ഉദ്ദേശിക്കുന്ന വസ്തുക്കളെ തിരഞ്ഞെടുക്കുന്ന പ്രക്രിയ)

3) Pipe Laying & Switch Box fixing (പൈപ്പ്& സ്വിച്ച് ബോക്സ്‌ സ്ഥാപിക്കൽ)

4) Wire Laying (വയറിങ് )

5)Switch Board Termination (സ്വിച്ച് പിടിപ്പിച്ചു ടെസ്റ്റ്‌ ചെയ്യുക)

6)Load Balanceing (ലോഡ് ക്രമീകരണം)

7)Electricity Aprooval & Connection (ഇലെക്ട്രിസിറ്റി ബോർഡ്‌ അപ്രൂവൽ &കണെക്ഷൻ)

8)വീട്ടുപകരണങ്ങൾ സ്ഥാപിക്കൽ.

9) പരിപാലനം (Maintenance)

ഈ ഭാഗങ്ങൾ വിശദമായി അടുത്തുള്ള പോസ്റ്റുകളിൽ (തുടരും)

നിങ്ങളുടെ സംശയങ്ങൾ ചോദിക്കാം. എന്റെ സമയപരിധിയിൽ നിന്നു കൊണ്ട് മറുപടി തരാൻ ശ്രമിക്കാം. ഇലെക്ട്രിക്കൽ & പ്ലംബിംഗ് ഡിസൈൻ എസ്റ്റിമേറ്റ് എന്നിവ ചെയ്തു കൊടുക്കുന്നതാണ്. 

ABHINAND K

MEP CONSULTANT 

#houseWiring

#electrificationഇലെക്ട്രിക്കൽ

#wiring,#mep, #mepengineering, #mepdesign 

#design

#Electrical

#electricaldesign

#electrical

#interiordesign